Keştîya koçberan cum bîye: 100yî ra zafêr kesî xeniqîyayê

Bajarê Crotone yê herêma Calabrîa ya başûrê Îtalya de keştîya koçberan ke Tirkîya ra rayîr kewtbî, cum bîye. 100yî ra zafêr kesî merdî.

Bajarê Crotone yê herêma Calabrîa ya başûrê Îtalya de keştîya koçberan cum bîye, mîyanê keştî de 100yî ra zafêr kesan dinyaya xo bedilnaye.  Ame zanayene ke tewr kêmî 62 koçberî merdê û mîyan de 12 gedeyî zî est ê.

Keştîya ke goreyê texmînan derûdorê 200 kesî tede est bîyê, roja yewşeme wexto ke biwaza nêzdîyê Crotonî biba, parçe bîye. Yeno zanayene ke a keştî Tirkîya ra kewtbî rayîr û zinaran qelbîyaya.Tede şarê Afxanîstan, Pakîstan, Somalî, Sûrîye Iraq û Îranî est bîyê.

Goreyê grûbanê çimdarî serra 2014î ra heta nika 20 hezarî ra zafêr însanî merkezê Deryayê Sipî de yan merdê yan zî vindî bîyê.