Kongo de dimayê Ebola janê surincan dest pêkerd

Kongo de dimayê janê Ebola na rey zî janê surincan vila bi. Seba ke bi mîlyonan domanî nêweşîye ra bêrê pawitene kampanyaya terpinî ameye destpêkerdene.

Komara Kongoyî ya Demokratîke de mîyanê 10 menganê peyênan de nêzdîyê hezar û 400 kesî rîyê janê Ebola ra cuya xo vîndî kerde. Nika zî janê surincan bi sebebê tersêkê girdî.

Goreyê eşkerayîya Wezîrê Weşîye Oly Ilunga Kalengayî 1’ê Çele ra nata, gumanê janê surincan ra 87 hezar kesî ameyê berdene bi nêweşxane. Kalengayî da zanayene, nê merdimê ke ameyê berdene bi nêweşxaneyî ra 677 kesan de janê surincan ame tesbîtkerdene û goreyê serra parî nisbetê nêweşîya surincan se ra 700 bî zêde.

Komara Kongoyî ya Demokratîke ya ke nufusê xo 82 mîlyon o, menga Nîsane de 2 mîlyonî domanê ke 5 serrî yê ameyî terpinkerdene. Yeno plankerdene ke çarçewaya kampanyaya terpinkerdişî de ê nêzdîyê 1,5 mîlyon domanê bînî bêrê terpînkerdene. Rîyê janê Ebola yo ke serra parî menga Tebaxe de dest pêkerd, heta nika tewr tay hezar û 384 kesan Komara Kongoyî ya Demokratîke de cuya xo vîndî kerde.