Nêweşîya janê Korona çend şino vila bena. Goreyê doneyanê peyênan 2 mîlyon û 267 hezaran zafêr merdimî pê vîrusê Korona kewtî û hûmara kesanê ke pê nê janî merdî  155 hezaran ra ravêrte.

Amerîka de 710 hezaran zafêr kesî pê janê Korona kewtî û 37 hezaran ra zafêr kesî rîyê nê janî ra merdî.  Îspanya de hûmara nêweşan bîye 191, ya merdeyan zî bîye 20 hezar. Îtalya de hûmara nêweşan bîye 172, ya merdeyan bîye 22 hezar 700. Fransa de hûmara nêweşan bîye  172 hezar, ya merdeyan 22 hezar û 700yî raverête. Îngîlîstan de hûmara nêweşan bîye 108 hezar, ya merdeyan bîye 144 hezar û 500. Almanya de hûmara nêweşan bîye nizdê 142 hezaran, ya merdeyan bîye 4 hezar û 377. Hollanda de hûmara nêweşan bîye 31 hezar û 500, ya merdeyan bîye 3 hezar û 601. Belçîka de hûmara nêweşan bîye 37 hezar û 183, ya merdeyan bîye 5 hezar û 453. Swîsre de hûmara nêweşan bîye 27 hezar û 400, ya merdeyan bîye hezar û 344. Îran de hûmara nêweşan bîye 80 hezar û 868, ya merdeyan bîye 5 5031. Rûsya de hûmara nêweşan bîye 37 hezar, ya merdeyan bîye 313.

Hetê bînî ra zanyaranê Amerîka xebata xo ya vera janê Korona de netîceya hole girewte. Ame vatene ke dermanêko vera Korona ameyo amadekerdene meymunan ser o ame ceribnayene û ame tespîtkerdene ke tesîrê ci vera vîrusê Korona esto. Dermano bi nameyê Remdesivirî  yo ke Rêxitina Weşîye ya Dinya sey ûmid dano name kerd bi Çîn, Amerîka û Ewropa de 13 klînîkan de yeno amedekerdene.