Goreyê bîlançoya peyêne ya AFPyî ya ke goreyê zanayîşê çimeyanê fermîyan ameye raameyene menge kanûna ra heta nika pêro dinya de virusê Covid-19î ra tewr tay 7 hezar û 813 kesan cuya xo vînî kerde.

Jano ke 146 welat û herêman ra vila bîyo 189 hezar û 680 kesan de ame tesbîtkerdene. Na hûmare têna qismêkê nêweşan îfade kena. Xeylêk welatan de têna mela tedawî hewce bikero test yeno kerdene. Coka yeno texmînkerdene ke hûmara nêweşan  hûmara ke yena dayene ra zafêr a. Goreyê bîlançoya vizêrî 24 saetan de 806 kesanê bînan cuya xo vînî kerdo û 14 hezar û 159 kesanê bînan jan girewto.

Îtalya de 24 saetanê peyênan de 345, Îspanya de 182, Îran de 135 kesan cuya xo vînî kerde. Fransa de 27 kesanê bînan jan girewt û hûmare bîye 175.  Mudirê Pêroyî yê Weşîye yê Fransa Jerome Salomonî vat welat de jan çend şino hîra beno.