Goreyê eşkerayîya Wezaretê Weşîye yê Filîstînî Zaîd Kaysîayo 15 serre pê fîşekê leşkeranê Îsraîlî ame kiştene. Ame parekerdene ke wexto ke leşkerê Îsrîlî dekewtî Kampa El Fawarî ya Hebronî û waşt ke tay kesan dest bend bikerê pêkewtiş qewimîya. Goreyê Wezaretî 4 filîstînijî birîndar bîyî.

Rojêke verê cû zî vakurê Şerîaya Rojawanî de filîstînijan pê kerrayan leşkerêkê Îsraîlî kiştbi. Leşkeranê Îsraîlî seba ke gumandaran dest bend bikerê şewe eşt herême ser û pêkewtiş qewimîya. Çend saetan ra dima vera noqtaya leşkerî ya Kalandîye ya Îsraîlî û merkezê Şerîaya Rojawanî hêrişêk ame kerdene.

No serebût wextêko winasên de qewimîya ke Wezîrê Karanê Teberî yê DYA Mike Pompeoyî Îsraîl zîyaret kerd. Yeno pawitenê ke 'Planê Trumpî' û alozîya Îranî bêrê nîqaşkerdene. Serekê DYA Donald Trumpî wazeno ke Şerîaya Rojawane pabesteyê Îsraîlî biba la Filîstîn nê planî red keno.