MCDK yê Sydneyî kongreya xo ya serrêne viraşte
Merkezê Cimatê Demokratîkî yê Kurdan (MCDK) ê Sydneyî, kongreya xo ya serrêne viraşte. Bi desan kesî tewrê kongre bîyî û temsîlkaranê partîyanê sîyasîyan qisey kerd.
Salone kongre de posterê Rayberê Şarê Kurdî Abdullah Ocalanî û xoverdayoxanê grevê vêşanîye û yê rojeyê mergî ameyî daleqnayene. Pankarta bi nûşteyê “Bi ruhê çalakîya rojeyê mergî ma do tecrîdî biqedînê, faşîzmî birijnê” ameye akerdene.
Weçînitişê dîwanî ra dima, proses ame ercnayene.
Dimayê ercnayîşê xebatanê MCDK yê Sydneyî ra pêşnîyar û krîtîkî ameyî kerdene.
Peynî de zî îdareyo newe ame weçînitene.
