Peytextê Almanya Berlînî de cayo ke zêdeci macîrî roneşenî Kreuzberg, Weddîng û Neukolln de çeteyê rejîmê Erdoganî bi wesayîtanê ke amblemê polîsanê tirkî ser o‘Tevgero Taybet‘ esto, gêrenî. Xeylê çeteyî ke bi eynî model wesayîtan propandaya dewleta tirkî kenî, kesê ke mûxalîfê Erdoganî yê, nê kesî naye ra qisewatî kenî. Parlamenterê Partîya Çepî yê Eyaletê Berlînî Hakan Taşî bi fotoxrafanê nê wesayîtan gereyê çeteyan kerd.

GOREYÊ POLÎSANÊ ALMAN ORTE DE SUC ÇÎN O

Gereyê Taşî ra dima vervatoxê polîsanê Berlînî eşkerayîyêk da û vate ke orte de sucêk çîn o. Taşî da zanayene ke o na mesla do bikireşo Meclîsê Eyaletî yê Berlînî û waşte dewleta alman wazîfeyê xo bîyaro ca naye safî bikero. Yeno texmîn kerdene ke nê wesayîtî yê çeteyanê “Osmanen Germania” ( Osmanijê Almanya) yê.