Asayîşê Qeraxan ê Yunanîstanî pare kerd ke qeraxanê Girawa Mîdîllî de keştîya multecîyan cumê awe bîya û goreyê texmînan netîceya serebûtî de 22 multecîyan ra 4 kesan dinyaya xo bedilnaya.

Asayîşî eşkerayîya çapemenîye de pare kerd ke multecîyê ke xelisîyayê, sewqê lîmanê Mîdîllî ameyê kerdene.

Selahîyetdaran derheqê sebebê cûmbîyayîş û nasnameyanê multecîyan de agahîyêke nêdaye.

Polîsê Lîmanî bi destekê Ajansê Çimdarîya Sînoran ê Ewropa Frontexî Dengizê Ege de tim dewrîye gêrenê. Dengiz de bi taybetî serranê peyênan de xeylêk trajedîyê multecîyan qewimîyayî. Selahîyetdarê Yunanîstanî multecîyan awe ra erzenê ver bi awa sînorê Tirkîya.

Menga hezîrane de keştîya bi 750 multecîyan nêzdîyê qeraxanê Yunanîstanî de cumê awe bibî. Serebût de 100 multecîyî ameybî xelisnayene la teyna cenazayê 82 multecîyan ameybî dîyene. Multecîyan dabi zanayene ke wexto ke asayîşê yunanî keştîya înan ver bi qeraxanê Îtalya antêne keştîye cumê awe bîya.