No keşif hetê ekîba arkeologanê Fransayij û Misirijan ra vernîya mezelê vîrardişî yê Şahbanûya Misirî Haçepsute de, ke herêma El Assasîfî de yo, rayapêroyîye rê ame eşkerakerdene.

Wezîrê Antîkîte yê Misirî Xalid El Amanî qiseykerdişê xo de vat mezelo ke aîdê dewrê Ramsesî yo, ê de xeylî wêneyê taybetî, bereqnayeyî û renginî estê.

Mezel aîdê seserra 8. ya verê Mîladî yo, heta ewro morkerde bîyo û newe morê ci ameyo şikitene. Ame vatene ke mezel aîdê mesuldarê mûmyakarîye “Thaw-Irkhet-If”î yo.    

Ame vatene mezel de xeylî heykelê ke texte, fayans û helan ra ameyê viraştene estê.

Mezelo dîyin zî hetê Enstîtuya Arkeolojî ya Rojakewtena ya Fransa û grûbêka Unîversîteya Strasbourgî ra ame dîyene. Ame vatene ke no mezel zî aîdê xanedanêkê seserra 18. yo. No mezel zî heman herême de ame keşifkerdene.