Goreyê kanalê Tolo Newsî Serekkomar Eşref Ganîyî wîlayetê Parvane de mîtîngêk seba weçînayîşî viraşt û derd û dorê mîtîngî teqayîşo xirab ame meydan. Peynîya teqayîşî de tewr tay 24 kesî merdî û 31 kesî zî birîndar bîyî.

Medyaya herême eşkere kerd ke, wexto ke Ganîyî qisey kerdêne teqayîş ame meydan. Pêro çimeyan dîyar kerd ke Ganî birîndar nêbîyo.Çimeyê nêweşxaneyî eşkere kerd ke mîyanê kiştî û birîndaran de cinîyî û domanî estê û zafêrê înan sivîl ê. Yeno vatene ke rewşe do biba giranêre.Kanalê 1TV'î zî xebera xo ya ke Wezaretê Karanê Zereyî ra girewte de dîyar kerd ke teqayîş rîyê bombaya ganîye ya motorsîkletîne ra qewemîyayo. Goreyê ajansê Reuterse aynî roje merkezê paytext Kabîlî de teqayîşo bîn de 3 kesan wefat kerd.