Mîyanê Ewropa de dîmenê teberê merdimîye
Dîmenê polîsanê Xirvatistanî yê ke grûbêka multecîyan hewayê serdinî de bi şidet û zor bi hawayêkê îlegalî benê Bosna-Hersek vejîyayî meydan.
Mîyanê Ewropa de dîmenê teberê merdimîye yê vera multecîyan vejîyayî meydan.
Goreyê qanûnanê Yewîya Ewropa multecîyê ke sînorê Bosna-Hersekî ra ravêrenê Xirvatistan ganî erdanê YE de bimanê. La ame zanayene ke Xirvatistano ke endamê YE yo bi hawayêkê îlegalî multecîyanê welatê xo beno Bosna-Herseko ke endamê yewîye nêyo.
Sazîya mîyanneteweyîye ya çimdarîye Border Violence Monitoring (Çimdarîya Nêheqîyanê Sînorî) tayê dîmenî yê ke tede grûbêka multecîyan bi zor hetê polîsanê Xirvatistanî ra yenê berdene bi Bosna-Hersek weşanayî. Dîmenan de aseno ke polîsê Xirvatî şdiet bica anê.
HEQÊ MULTECÎYAN Ê BEXTWAŞTIŞÎ DESTÊ ÎNAN RA YENO GIREWTENE
Rojanê peyênan de sazîya Teqîbê Heqanê Merdiman (HRW) zî eşkerayîyêka winayêne dayebî û dabî zanayene ke polîsanê Xirvatan domanî zî tede 20 multecîyî kuwayê û ê vetê teberê sînorî. Koordînatora HRWyî Lydia Galle vatibi ke “Xirvatistan mecbûr o ke multecîyanê ke xo sepernayê ci bipawo, la herinda nê de bi metodanê teberê merdimîye qanûnan binpay kena.”
BVM is publishing new footage confirming the long existing suspicion of #HumanRightsViolations against #Refugees at external #EU #border between #Bosnia and #Croatia@DavorBozinovic @EU_Commission
— Border Violence Monitoring (@Border_Violence) December 16, 2018
See our statement here: https://t.co/z5NXvVeTDM …
#PushbacksAreIllegal pic.twitter.com/LQa4VdfvrN
Wezaretê Karê zareyî yê Xirvatistanî ke derheqê dîmenan de eşkerayî daye îdîayî înkar kerdî û vat “Êyê ke waşt bi hawayêkê îlegalî bikewê erdê Yewîya Ewropa ameyî vetene teberê sînorî, ma nê goreyê qanûnanê YE kenê.”
Seba ke Xirvatistan sînoranê xo zaf girewte gêno zafaneyê multecîyan mecbûr manenê ke Bosna-Hersek de bimanê. Yeno vatene ke tenya serê na serre ra heta peynîya menga Teşrîna peyêne 23 hezarî multecîyî Bosna-Hersek de ameyê qeydkerdene.
