Paytextê Iraqî Bexdad zî tede şaristananê  Kerbela, Necef, Zîkkar, Basra, Mussena, Mîssan, Dîvanîye û Nasirîye yê ke erebê şîîyî tede ciwîyenî de nê çend hewte yê ke vera hukmatî nawnayîşî yenê kerdene.

Gore Komîsyona Heqanê Merdiman a Meclîsê Iraqî 1ê teşrîna verêne ra heta nika 319 nawnayîşkerî ameyî kiştene û 15 hezar kesî zî birîndar bîyî. Gore tay dezgeh û rêxistinanê medya û çapemenîye zî bîlançoyo rastikên hîna  zaf giran o. Tuggeneral Abdulkerîm Halef o ke Verfekê Leşkerî yê Serekwezîrê Iraqî yo, pare kerd ke nawnayîşan de zerarê ekonomîkî 6 mîlyar dolaran ra vîyart. Halefî îfade kerd ke nawnayîşkerî şîrketanê petrolî kenê hedef û vat: "Lîmanê Umm Kasrî yê Basra de nawnayîşkerî hêrişê petrolî kenê, ma do destûr nêdê ney. Uca seba şarê Iraqî cayêko girîng o û rîyê nawnayîşan ra bi seyan wesayîtê naklîyeyî nêeşkenê karê xo bikê." Halefî vat ke nawnayîşkerê ke molotofkokteylî eştî hêzanê asayîşî ameyî destbendkerdene.