Dezgehê Rewşê Lezî yê Neteweyî yê Nîjerya (NEMA) aşkere kerd ke 12 eyaletanê Nîjerya de netîceyê varayîşê varanê zêde de laserî virazîyayî û nizdîyê 200 kesî merdî.

Varayîşê zêde bîyî sebeb ke çemê Nîjer û Banue ser de şêrî û dewe û erazîyî binê awe de bimanî.

Bi deshezaran kesî keyeyanê xo de mehsûr mendî û xeylê kesî zî laseran ver mecbûr mendî ke ca û warê xo ra koç bikerî.

Nika ra 10 rojî verê eyaletanê Kogî, Delga, Anambra û Nîjerî de rewşa felaketa neteweyî ameye îlan kerdene. Nînan ra Kogî û Nîjer merkeze welatî de yî, Delga û Anambra zî başûrê welatî de yî.

Sekreterê Pêroyî yê Xaçê Sûrî yê Nîjerya Abubekîr Kendeyî da zanayene ke laseran ra dima rîskê nêweşîya kolera esto. Goreyê Milletê Yewbîyayeyî vakurrojhelatê welatî de mîyanê 2 hewteyanê peyênan de nêweşîya kolera ver pêro pîya 100 kesî merdî.