Bajarê Karaçî yê Pakîstanî de teyaraya raywanan a  Pakîstanî ginaye ware. Goreyê dîmenanê televîyonanê cayîyan teyara warêkê îkametî de ginaya ware.

Goreyê zanayîşanê ke selahîyetdaran dayî teyara ya ke Lahorî ra werişte tede 99 raywanî û 8 endamê muretebatî estbî.

Pakîstan de rîyê vîrusê Korona ra aşmêke ra zafêro ke firdayîşê zereyî dîyaybî vindarnayene û çend rojî yo ke hukmatî destûrê firdayîşî da.

Pakîstan hetê asayîşê firdayîşî ra wayîrê sicîlêkê xirabî ya. Qezayê wînayêne zaf benê. Tewr peynî aşma kanûn a 2016î qezaya teyara de 47 kesî merdbî. Qezaya tewr pîle ê serranê peyêna zî 2010 de qewimîyabi. Na qeza de 152 kesî merdbî.