Şaristanê Marakeşî yê Fasî de Paktê Koçberan ê NYyî yo bimunaqeşe ame qebûlkerdene.

Temsîlkarê 150 ra vêşêr welatan tewrê kombîyayîşo ke Marakeş de vîrazîya bî. Pakto Global ê NYyî rixmê reaksîyonanê neteweperwer û dormeyanê hemverê koçberî de ame qebûlkerdene. Yeno vatene ke no kombîyayîş merheleyêka basîte ya prosesê fermî yo. Reydayîşo peyên do 19ê Kanûne de Heyetê Pêroyî yê NYyî New Yorkî de bêro kerdene.   

Sekreterê NYyî yo pêroyî Antonio Guterresî vat ke ganî ma derheqê koçberî de xo teslîmê “tersî û vatişanê sexteyan” nêkerê. Temsîlkara taybete ya NYyî Louise Arboure zî vat: “Derheqê Pakt û waştişanê Paktî de xeylî dezenformasyon esto. Pakt bi tu hawayêk heqê koçkerdişî nêvirazeno, tu zehmetî seba dewletan nêvirazeno.”

Neteweperwerê ke hemverê Paktî de vejênê zî îdîa kenê ke metnê Paktî virazîyayîşê koçê bêkontrolî rê cesaret dano. Amerîka 2017 de ardibi ziwan ke aye nûştişê metnî ra xo pey de anto. Nê halî de 9 welatan dimayo ke 13ê Temmuze de peymane îmza kerde xo pey de antî. Bale ancena ke nê welatî Awusturya, Awusturalya, Şîlî, Komara Çekî, Komara Domînîkî, Macaristan, Letonya, Polonya û Slovakya.