Ame zanayene ke Parîs de saet 11.50 ra nata tewr tay îfadeyê 514 kesan hetê polîsan ra gîrîyayî, înan ra 272 kesî ameyî destbendkerdene.

Şaristanê Grenoble de zî kesêk ke ame îdîakerdene rayberê Yelegzerdan o ame destbendkerdene. Parîs xeylî nuqteyan de ancî protestoyî estbî. Bi nê çalakîyanê roja şemeyî çalakîyê Yelegzerdan peyê xo de çar hewteyî verdayî. 

Kuçeyê Arsene Houssaye de saet 10.30 de mabênê cendirmeyan û çalakwananê ke slogana “Macron îstîfa” eştêne de pêkewtişî vîrazîyayî. Hukmatê Fransizî seba ke çalakîyan vindarnê 89 hezarî hêzê asayîşî wezîfedar kerdî. Parîs de mîyanê înan de xeylî sazîyê fermîyî zî tede muze û merkezê kulturan ê namdarî ameyî girewtene. 30 îstasyonê metroyî ameyî vindarnayene û numayîşê hunerkîyî zî ameyî îptalkerdene.