Parlamentoyê Iraqî seba ke îstîfayê serekwezîrî ser o qisey biko ewro bi hawayêkê îstîsnayî ame pêser.

Adil Abdulmehdîyî roja îneyî pare kerdibi ke o do îstîfa biko û şanê şemeyî îstîfayê xo pêşkêşê parlamentoyî kerdibi. Roniştişê parlamentoyî de îstîfayê serekwezîrî ame qebulkerdene. Abdulmehdîyî semedê nawnayîşanê ke 1ê teşrîna verêne de dest pêkerd ra îstîfa kerd. Nawnayîşî bi waştişê vurnayîşî yenê kerdene û heta nika nawnayîşan de tewr tay 420 kesî merdî. Îstîfa ra dima zî nawnayîşan dewam kerd û reyna tay kesî merdî.