Komîsyonê Weçînayîşî yê Rûsya pare kerd ke herêmanê Ukrayna Zaporijya, Herson, Donetsk û Luhansk yê îşxalkerdeyan de partîya Serekdewletê Rûsya Vlademir Putinî se ra 70ê rayan girewto û ser kewto.

Goreyê çimdaranê sîyasîyan Moskova xîret kena ke îşxalê nê herêman bi weçînayîşan meşrû bikera.

Nê herêmî binê kontrolê Rûsya de yê. Rixmê nêrazîbîyayîşê warê mîyanneteweyîyî zî êlula 2022yî de nê herêman de referandum amebi kerdene. 

Hukmatê Kievî û mutefîqanê ci îfade kerd ke weçînayîşî 'qanûnî' nîyê û weçînayîşî şermezar kerdî. Welat de şer hema zî dewam keno.

Weçînayîşî seba dîyarkerdişê walî, wekîlanê herême û meclîsê şaredarîyan ameyî kerdene. Netîceyê weçînayîşî zî surprîz nêbîyî.

Rûsya de 2024 de zî weçînayîşê serekîya dewlete do bêrê kerdene. Eke Putin nê weçînayîşan de ser bikewo do heta 2030î îqtîdarê Rûsya de bimano.