Roja Çarşeme dimayo ke di cinîyê  40 serrî yê eyaletê Kerala yê Hînsîtanî de şîyê perestgehê  Sabarimala Ayyappa, çalakîyanê protestokerdişî dest pêkerd.

Hîndûyê muhafazakarî yê ke qerarê mehkema nas nêkenî, mabenê înan û polîsan de pêkewtişê bişidetî virazîyayî  û 750 kesî ameyî destbendkerdene. Qewimîyayîşanê bişidetî de kesêk merd û 15 kesî zî birandar bîyî.

Semedê perestgehê  Sabarimala Ayyappa 20 serrî yo mucadeleyê huqûqî yeno dayene.

Eyaletê Kerala yê Başûrê Hîndîstanî de cinîyê ke serranê reglî de yê, 10 ra heta 50 serre cinîyan rê şîyayîşê perestgehê Sabarimala qedexe bi. No qedexeyo ke bi seserran o  yeno domnayene, 28ê Êlule de hetê Mehkemaya Berze ya Hîndîstanî ra amebi wedarnayene.

Bi hezaran Hîndûyê muhafazakarî yê ke mîyanê ci de xeylî cinîyî zî estî, rixmê qerarê mehkema heta roja Çarşeme destûr nêdayêne ke cînî perstgehî rê nêzdî bî.  Roja Sêşeme cinîyan bi nameyê ‘‘Dêsê cinîyan‘‘  rêzilê merdimî pêardê û bale ante heqê cinîyan.