Ame zanayene qeraxanê bajarê Melîla yê pabesteyê Îspanya ke vakur-rojhelatê Fasî de yo xeylî koçberî xeneqîyayê.

Goreyê hayîdarîya selahîyetdaranê Îspanyolan ê Melîla ra 93 koçberê ke Fas ra kewtê rayîr, tenya 80ê înan bi weşî ameyî xelesnayene. Koçberê ke bi di botanê cîyayan kewtîbî rayîr înan ra meyîtê 9 kesan ame dîyene, 4 koçberî zî dimayo ke nêeşkayê bêrê xelesnayene merdê.    

Nê serranê peyênan de hîna zaf serê Îtalya û Yewnanîstanî ra ver bi welatanê Yewîya Ewropa (YE) koçî yenê kerdene, na serre ra tepîya nisbetêko pîl koçê Îspanya kenê. Goreyê hayîdarîyanê Organîzasyonê Koçî yo Mîyanneteweyî yo ke pabesteyê Yewîya Neteweyan (YN) o serê na serra ra heta nika hûmara koçberanê ke resayê Îspanya 47 hezarî ra vêşêrî ya û tewr tay 564 koçberan awanê Deryayê Sipîyî de cuya xo vindî kerda.

Nisbetêko pîl ê koçberanê ke serê Fasî ra wazenê bivîyarê bi Îspanya multecîyê welatanê Afrîka yê.