Deryayê Sipîyî de reyna xeylî koçberan cuya xo vîndî kerde.

Goreyê xebera ajansê xeberan ê Agî yê Îtalya kurneyêk ke Cezayîr ra kewtebî rayîr û tede 13 koçberî estbî, qeraxanê Sardînya de xerepîyaye. Êyê ke kurne de bîyî ra 3 kesan seba hetkarîye veng da, la 10 kesê bînî seba ke xo biresnê bejikî asnawberî kerdî. 10 kesê ke xo eştî awanê Deryayê Sipîyî mîyan, înan ra meyîtê yewî ame vînayene, seba 9 kesanê bînan xebata xelesnayîşî dewam kena.

Xebere da ca dîya hayîdarîya ke 3 koçberê ke kurne de bîyê bi weşî ameyê xelesnayene. Nê demanê peyênan de hûmara koçberanê ke vakur-rojakewtena Cezayîrî ra ver bi girawa Sardînya ya Îtalya şinê bîye zêdî.

Hewteyo verên tewr tay 60 koçberê ke Cezayîr ra kewtîbî rayîr, raywanîya qasê 10 saetan a bi kurneyan ra dima resayîbî Sardînya.