Hunermendê kuçeyan ê îngîlîzî Banksyî çend wextî verê cû seba ke Dengizê Sipî de mıultecîyan bixelisna keştîyêke hêrînabî. Dima ke welatanê sey Îspanya, Îtalya û Malta sînorê xo keştîyanê multecîyan rê girewtî Dengizê Sipî de trajedîyê pîlî qewimîyayêne.

Hunermendo ke nasnameyê ci yo raştikên nêzanîyeno û bi nameyê Banksyî şinasîyeno, bi serran o ke seba keştîyêke pereyî arê dayêne. Banksy keştîyêke hêrînaye û nameyê 'Loise Michel' na pa. Dengizê Sipî de di botê multecîyan cûmê awe bibî. Loise Michel çend rojî nê botan ra 129 multecîyî xelisnayî.

Malta û Îtalya nê multecîyî qebul nêkerdêne.Loise Michel kapasîteya xo ra zêdêr multecîyî girewtbi û nêeşkayêne bileqe. Banksyî medyaya komelkîye ser o nêzdîbîyayîşê Yewîya Ewropa bi ziwanêkê tujî rexne kerd û bi vîdeoyêkî vat: ''Pêro sîyasîyî têkoşînê cuye danê û mirenê.'' Vîdeo qîrayîşê multecîyan da eşnawitene.

Keştîya asayîşê qeraxî ya Îtalya 49 multecîyî girewtî û berdî. Ê multecîyê bînî zî hetê keştîya bi nameyê ''Sea Watch 4'' ra ameyî qebulkerdene. La qet yew welatî nê multecîyî qebul nêkerdî. Yeno parekerdene ke multecîyî bi hawayêkê lezabezî hewcedarê weşîye yê.