Qirkerdişê Refahî de 45 kesî ameyî qetilkerdene
Wezîrîya Weşîye ya Hamasî da zanayene ke hêrişê Îsraîlî de yo ke roja yewşemeyî Refah de vera kampa multecîyan a fîlîstînijan ame kerdene, hûmara merdeyan resaya 45.
Wezîrîya Weşîye ya Hamasî eşkera kerd ke qirkerdişê Îsraîlî yo ke vizêr Refah de ame kerdene, 23ê înan cinî, doman û extîyarî 45 kesî şehît bîyî û pêro pîya 249 kesî birîndar bîyî.
Pawitişê Sîvîlan ê Fîlîstînî zî da verî eşkerayîya xo de vatbi 40 kesî ameyî kiştene.
Wezîrîya Weşîye ya Hamasî yewna eşkerayîya xo de zî da zanayene şerê hewt aşman ê şerî de hêrişê Îsralîlî yê Şerîdê Gazze de 66ê înan 24 saetanê peyênan de tewr 36 hezar û 50 kesî ameyî qetilkerdene.
