Rêxistina Efû: Îran de çalakîkeran rê îşkenceyê giranî yenê kerde

Rêxistina Efû ya Mîyanneteweyîye pare kerd ke Îran de çalakîyanê protestoyî yê parî ra dima û heta nika xeylêk çalakîkeran rê îşkence ame kerdene û bi seyan kesan rê cezaya girane ya zîndanî ameye dayene.

Kanûna 2019î de vera vaykerdişê benzîn û mazotî bi desan şaristananê Îranî de çalakîyê protestoyî ameybî kerdene. Rêxistina Efû derheqê babete de raporêk amade kerd û da zanayene ke domanî zî tede 7 hezar kesî ameyî destbendkerdene.

Rêxistine eşkera kerd ke kesê ke ameyî destbendkerdene seba ke vajê ê endamê komelan ê muxalîfan ê ci rê îşkence ame kerdene. Rêxistina Efû pare kerd ke derheqê 500 kesan de tehqîqat ame akerdene.  Rapor de ame vatene ke merdiman rê îşkenceyê xeniqnayîşî, pirodayîşî, ceyran, şîdetê cînsî ameyî kerdene.