Eşkerayîya Rûhanîyî televîzyonê neteweyî yê Îranî de ameye weşanayene. Serekkomarê Îranî Hasan Rûhanîyî vat, “Îran nêwazeno vera tu welatêk şer bikero.”

Rûhanîyî da zanayene, “Ê ke vejîyenê hemverê ma, grubêkê rayberanê wayîrê tecrûbeyanê qijan ê “ û vat, “Rixmê heme cehdkerdişê Amerîkanijan ê herême û nîyetê înan ê seba birnayîşê têkilîyanê Îranî yê temamê dinya, ser nêkewtî.”

Kendawa Umanî de dimayê hêrişê 13'ê Hezîrane yê vera di keştîyan, fikarê derheqê şerêkê mabênê Îranî û DYA zêde bi. Rayberîya DYA hêrişê vera keştîyanê petrolî ra Îranî berpirsîyar vînena. Îran zî sucdarîyan red keno. Wezîrê Pawitişî yê DYA Patrîck Shahananî Dişeme eşkerayîyêk daye û da zanayene ke vera tehdîtanê Îranî înan qerar dayo ke hezar eskeranê bînan bişawê Rojakewtena Mîyanêne.