Rayberanê dînî ra Mukteda es-Sadr derheqê serebûtanê Iraqî de eşkerayîye daye. Nê serebûtan de zafê kesî merdibî. Sadrî ard ziwan ke ganî hukmatê Mehdî îstîfa bike û seba weçînayîşê verwextî veng da.
Dimayê Alî Sîstanîyo ke rayberêkê Şîî yo û paştî daye nawnayîşanê verba bêkarîye, îdareyo xirab û bêûsulîyan, Mukteda es-Sadrî zî eşkerayîyêk daye.
Es- Sadrî da zanayanene ke nê serebûtan de 4 roje de 44 kesî merdî û seba ke 'zêde gonî nêra rişnayene' ganî Serekwezîr Adîl Abdulmehdî û hukmatê ey îstîfa bikê. Es-Sadrî îfade kerd ke dimayê îstîfayê hukmatî ganî weçînayîşê verwextî bêro kerdene û bale ante serê nê çiyo ke ganî weçînayîş binê muşahedeyê Neteweyê Yewbîyayeyî de bêro kerdene. Es-Sadrî roja Çarşemeyî zî eşkerayîyêke dabi ke ê paştî danê nê nawnayîşanê verba bêkarî û bêûsulîyan. Sadrî nawnayîşanê serra 2016 rê zî paştî dabe. Nawnayîşan sereyê na hewte de dest pêkerd û heta nika 44 kesî merdî û zafê kesî zî birîndar bîyî. Goreyê texmînan hûmara kesan ê merdî zaf zêde ya.
