Sosyolog Oliver Schmidt teorîya sinifanê komelî û teorîya Marksîste ser o xebitîyeno. Sosyolog Oliver Schmidt Zanîngehê Potsdamî de na çarçewe de kursê bi nameyê 'Anarşîzm, Teorî û Pratîk: Mîsalê Rojawanî' do bido.

Sosyolog Oliver Schmidt dersanê xo de do çarçewa fikranê Rayberê Şarê Kurdî Abdullah Ocalanî de qala Konfederalîzmê Demokratîkî bikero. Dersê ci do 25ê teşrîna verêne de do dest pêbikerê. 

Sosyolog Oliver Schmidtî derheqê kursî de ANFyî rê qisey kerd û îfade kerd ke ê do metnanê Ocalanî nîqaş bikerê û vat: ''Ma do zêdêr teorî ser o vinderê. Ez bikelecan a. La ez vana qey dersî do hol bivîyarê.''

Sosyolog Oliver Schmidtî bale ante ser ke Almanya de tay kesî merdimanê ke azadîya Abdullah Ocalanî wazenê krîmînalîze bikerê û vat: ''Coka Almanya destûr nêdana PKKyî. PKKyî sey rêxistinêka terorîste pênase kena. Tîya zanîngeh o. Ma welatêkê azadî de ciwîyenê û ma eşkenê fikranê ey biwanê.''

Schmidtî da zanayene ke wezîfeyê zanîngehî yo ke metnê Rayberê Şarê Kurdî biresno wendekaran.

Schmidtî ard ziwan ke PKK gef nîyo la gefo raştikên Almanya ya ke paştî dana Tirkîya û vat: ''Mi çimî de gefo raştikên no yo ke Almanya polîtîkayanê Erdoganî, kerdişanê Tirkîya yê vera Sûrîye û Başûrê Kurdîstanî krîmînalîze nêkena. Nê çekê ma yê ke ma roşenê Tirkîya.''