Serekwezîrê Îngîlîstanî Boris Johsono ke 10 rojî verê cû testê ci yê Covid-19î pozîtîf vejîyabi, seba tebdîrî amebi berdene bi nêweşxane. Vizêr şan zî servîsê ciewnîyayîşê giranî de ama cakerdene.

Johnson twitterî ra eşkerayîye daye û pare kerd ke semptomê vîrusê Korona dewam kenê û vat: ''Vizêr şewe pêşnîyazê doktorî ra dima seba çend testanê rutînan ameya nêweşxane. Moralê mi baş o, seba têkoşînê vera vîrusî û asayîşê her kesî têkilîya mi ekîpa mi reyde esta.

Ez ekîpa Sîstemê Weşîye yê Neteweyî rê sipas kena ke nê wextê zorî de mi û her kesî reyde eleqedar benê. Ganî her kes aram bo, kerêma xo ra seba pawitişê Sîstemê Weşîye yê Neteweyî û xelisnayîşê merdiman keye de bimanê.''