Goreyê eşkerayîya Wezaretê Ekonomî yê Swîsre netîceya pêvînayîşan ê îdarekaranê Amerîka û Îranî reyde seba hetkarîya dermanî û werdî sîstemêko newe ame viraştene. Goreyê naye verî ke Îranî rê hetkarîye bêra kerdene  Wezaretê Xazîne yê Amerîka ra ganî destûr bêro girewtene.

Dima ke seba hetkarîya ekonomîke Wezaretê Xazîne destûr bido şîrket yan zî bankayê Swîsre do mecbur bibê ke bazirganîya Îranî ser o zanayîş bidê Washington. Bi nê hawayî bêro famkerdene ke hetkarîya ke do bêra kerdene hetkarîya merdimîye ya yan ney.

Goreyê Wezaretê Ekonomî yê Swîsre çarçewa pêkerdişî de hetkarîya destpêke 27ê çeleyî de resaye Îranî.

Bîye serrêke ke Serekê DYA Donald Trumpî dima ke xo Peymana Nukleerî ya bi Îranî ra apey ant û ê wextî ra nata  vera şîrketanê ke Îranî reyde bazirganîye kenê, ambargo yeno kerdene.