Talîbanî heta nika dest na 5 paytextan ser
Talîbanî Afganîstan de dest na paytextê wîlayetêkê bînî ser. Roja îneyî ra nata Talîbanî 5 paytextî vistî binê kontrolê xo.
Roja yewşemeyî Talîbanî şaristanê Kunduzî, Sarî Pol, Talukan vistî binê kontrolê xo. Roja îneyî zî Talîbanî şaristanê Zerencî, roja şemeyî zî şaristanê Şibirganî vistî binê kontrolê xo.
Talîbanî peynîya hezîrane de berê sînorî yê Şîr Han Bedereyî yê Tacîkîstanî zî vistbi destî ke seba têkilîyanê ekonomîkan ê Asyaya Mîyanêne no ver zaf girîng o.
Talîban rojanê peyênan hêrişê şaristananê Kandahaar, Herat û Leşkergahî keno. Nê her 3 şaristanî zî şaristanê pîlî yê. Hêzê afganî xo ver danê la nika ra 34 paytextan ra 5 tenî kewtî desê Talîbanî.
