Sazîya Cigêrayîş û Xelesnayîşî ya Neteweyîye (BASARNAS) eşkera kerd ke teyareyê raywanan ê bi tîpê Boeing 737 MAX yê aîdê Hewarayîrê Lionî yo, waşto ke paytext Cakarta ra şiro şaristanê Pangkal Pinang ê Girawa Sumatra, teyare weriştişî ra wextêkê kilmî dima kewto.  

Ame vatene ke teyare bi saeta cayîye 06.20 de werişto û 06.33 de têkilîya ci birîyaya, cayo ke teyare kewto ûca rê ekîbê xelesnayîşî ameyê sewqkerdene.

Wezaretê Ciresnayîşî yê Endonezya zî hayîdarîya ke teyare de 181ê ci raywan û 7ê ci zî murettebat pêro pîya 188 kesî estbî pare kerde.

Ame resayene bi paga teyareyo ke tede 181 raywanî 7 murettebatî estbî.