Yewîya Sûryanîyan a Ewropa (ESÛ) pare kerd ke semedê hêrişanê dewleta tirke ya îşxalkere Başûrê Kurdîstanî de 20 dewê asûrî-keldanîyan ameyî vengkerdene. ESÛyî seba çalakîyanê lezabezan veng da.
Heyetê Rayberdişî yê Yewîya Sûryanîyan a Ewropa (ESÛ) pê eşkerayîyêke îfade kerd ke dewleta tirke operasyonê Kartal-Pençeyî de zerar dana waranê sivîlan û sivîlan qetil kena. ESÛyî da zanayene ke Rojawan de seke Efrîn de kerd zor dana şar ke koç bikero û xeylêk dewê xirîstîyanan ameyî vengkerdene.
Eşkerayîya ESÛyî wina dewam kena: ''Destpêkê operasyonê Kartal-Pençeyî yê dewleta tirke de 20 dewê keldanî-asûrî-sûryanîyan ameyî vengkerdene. Hemwelatîyê nê dewan şîyî Dûhok, Zaxo û cayanê bînan. Sey şarê Rojawanî no koç do netîceyanê xiraban bîyaro meydan.
Ma vengê Hukmatê Iraqî û Hukmatê Herême danê ke verê nê operasyonanê Tirkîya bigêrê. Ganî Neteweyê Yewbîyayeyî, Yewîya Ewropa, DYA û hêzê herêmîyî zî seba şaranê herêmîyan çareserîyêka mende bivînê.''
