Dayîreyê Îltîca yê Yewîya Ewropa (EUAA) bi eşkerayîyêke pê hesna ke mabênê çele û hezîrane de Ewropa rê qasê 519 hezar muracatê îltîcakerdişî ameyê kerdene. La bi taybetî muracatê ke Tirkîya ra yenê bi hawayêkê giranî yenê redkerdene.
Dayîreyê Îltîca yê Yewîya Ewropa (EUAA) bi eşkerayîyêke pê hesna ke mabênê çele û hezîrane de Ewropa rê 29 welatan ra qasê 519 hezar muracatê îltîcakerdişî ameyê kerdene û beno ke na hûmara peynîya serre de do biresa mîlyonêk.
Se ra 44ê muracatê îltîcakerdişî hetê sûrîyeyîj, afganîstanij, wenezuelayîj, tirkîyayîj û kolombîyayîjan ra yenê kerdene. Seba îltîcakerdişî tewr zaf Almanya, Spanya û Fransa yenê tercîhkerdene.
EUAA pare kerd ke goreyê 2022yî se ra 34î ra zêdeyêr dosyayî pawitişê bire yê.
Tirkîya ra muracatê seba îltîcaya Ewropa mîyanê pêro muracatan de se ra 7 o. Yanî Tirkîya ra 34 hezar û 25 kesan muracatê îltîca kerd. 2022 de se ra 41ê muracatê tirkîyayîjan ameybî qebulkerdene. La destpêkê 2023yî ra nata teyna se ra 27ê muracatê înan ameyî qebulkerdene.
