Serekê DYA  Donald Trumpî da pêhesnayene ke  "nêzdîye de " o do  dimayê operasyonê Tirkîya yê verê Vakur û Rojakewtena Sûrîye qerarnameyê rayberdişî yê seba ambargoyê serê Tirkîya parbe bikero.

Agahdarîye dima ke partîyan qerarê Trumpî yê peyserancîyayîşê leşkeran ê Amerîka yê herême ra rexne kerd ameye. Tumpî vat ke ê serê qerarnameyêkê ambargoyî yê serê Tirkîya xebitîyenê. Trumpî ferman da ke  erjê çulikî vayêr bibo û peymana bazarî ya 100 mîlyar dolarêne ya bi Tirkîya ya ke muzakereyê ci dewam kerdêne, batal kerde. Trumpî vat: "Eke îdarekarê Tirkîya nê rayîro bitehlûke û xerapkerde de şîyayîşê xo rê dewam bikê, ez do ekonomîya Tirkîya wêran bikerî."