Tunus de trajedîya macîran: 4 kesî merd û 23 kesî vînî bîyî
Tunus de di keştîyanê ke macîrî kiriştêne cum bîyî, tewr tay 4 kesan dinyaya xo bedilnaye û 23 kesî zî bîyî vînî.
Dengizo Sipîyo ke semedê macîran û multecîyan sey goristanê tewr girdî yê dinya yeno pênaskerdene de yewna tradejî qewimîyaye.
Goreyê xebera Ajansê Xeberan ê Fransa AFPyî Tunus de di keştîyî cum bîyî û netîceya cumbîyayîşî de 27 macîrê afrîkayijî vînî bîyî. Keştîya ke 37 kesî tede bî roja îneyî cum bîye û tira têna 17 kesî ameyî xelisnayene. Keştîya bîne zî roja şemeyî cum bîye. 4 cenazeyî ameyî dîyene, 3 kesî vînîbîyaye yê û 36 kesî tira ameyî xelisnayene.
Tunus de aşma adare ra nata hewt keştîyî cum bîyî û tewr tay 100 kesan dinyaya xo bedilnaye.
Grava Lampedusa ya Îtalya tay nuqtayanê Tunusî ra nêzdîya.Coka macîrî wazenê tîya ra xo biresnê Ewropa. Goreyê selahîyetdaranê Tunusî emser 14 hezar û 406 macîrî ameyî xelisnayene ya zî tepişene. Goreyê parî hûmare panclab zêdîyaya. Goreyê texmînan Tunus de 21 hezar macîrê efrîqayijî estê.
