Serekê DYA Donald Trumpî derheqê serebûtanê seba kişîyayîşê afro-amerîkayîjî de twitter de şîrove kerd.

Trumpî mesajêko winasêne weşanabi: ''Nê eşqîyayî vera vîrameyîşê George Floydî bêhûrmetîye kenê. Ez do destûr nêda ney. Ez do Walî Tim Walzî de qisey bikera û vaja ke artêşe bi temamî peyê ey de ya. Ma do her zor û zehmetî kontrol bikera labelê eke talan û vêşnayîşî dest pêbikerî, fîşekî zî do bêrê eştene. Sipas!''

Twitterî mesajê Trumpî rê na hîşyerî kerde: ''No tweet şertanê twitterî yê wasifnayîşê şîdetî binpay keno. Hetê bînî ra twitter wina fikirîyenı ke mendişê nê tweetî umûmîye rê fayde keno.'' Seba ke mesajê Trumpî bêro dîyene ganî gişt nêro serê ci. 

Trumpî qerarnameyê seba cezakerdişê twitter, facebook û google îmza kerd. Na hîşyarîye zî nê qerarnameyî ra dima ameye dayene.

Twitter roja sêşemeyî qerar da ke di mesajanê Trumpî rê hîşyarîye bizeliqno û venga xebitnayoxan da ke serebûtan raşt bikerê. Naye ra dima Serekê DYA Donald Trumpî pê qerarnameyêko ke pawitişê huqûqî yê torranê komelkîyan sînordar keno, cewab dabi.