Roja dişeme wexto ke vera Sûrîye de hêrişê hewayî virazîyayênê, teyaraya rûsan dîyaybî waro. Wezîrê Karê Teberî yê Fransa Jean-Yves Le Drîanî dîyar kerd ke îxtîmalê vejîyayîşê krîzêkê demokratîke yê girdî estbi û vernî girewtişê krîzî muhîm o.
Wezîrê Karê Teberî yê Fransa Jean-Yves Le Drîanî dîyar kerd ke hêrişê ke roja yewşeme bîyî û bîbî sebebê kewtişê teyaraya rûsan û mergê 14 leşkeran, îxtîmal estbi ke bibîyênê sebebê vejîyayîşê krîzêkê girdî.
Le Drîanî da zanayene ke teyara hetê sîstemê pawitişê yê Sûrîye ra dîyayo waro û Sûrîyeye vato qey teyaraya Israîlî ya û va ‘Rûsyaye zî sifteyîn Fransa sucdar kerd’. Le Drîanî bale ant sucdarkerdişê Rûsya ke îdîa kerdêne ke ‘teyara hetê firkateynanê fransizan ra dîyaya waro’ ser.
Wezîrê Karê Teberî yê Fransa Le Drîanî va ‘îxtîmalê vejîyayîşê krîzêkê dîplomatîke yê gird estbî, labelê vernîya ci ame girewtene û no muhîm o’.
Seke yeno zanayene, şanê dişeme wexto ke hêrişê Lazkîye û dormeyê ci bîyênê, teyarayêka rûsan dîyaybî waro û 14 kesî merdbî. Teyara hetê sîstemê pawitişî yê Sûrîye ra dîyabî waro û dima ra Sûrîyeye aşkere kerde ke ‘înan vato qey teyara yê Israîlî ya û cok ra dîyaya waro’.
