Dima ke Putinî îlanê xoserîya rojhelatê Ukrayna şinasna Wezîrê Karanê Teberî yê Amerîka Blindkenî pêvînayîşê bi Wezîrê Karanê Teberî yê Rûsya Sergey Lavrovî betal kerd.

Blinkenî Washington de eşkerayîyêke daye û pare kerd ke Rûsya dest pê îşxalê Ukrayna kerd û seba ke Rûsya dîplomasî red kerda nika serûberkerdişê pêvînayîşî bêmana yo.

Amebi plankerdene ke Blinken û Lavrov roja pancşemeyî Cenevre de pêvînayîşêk bikerê.

Blinkenî ard ziwan ke înan bire bi hawayêkê nuştekîyî Lavrovî rê pare kerda.

Blinkenî da zanayene ke bi şerto ke Rûsya Ukrayna îşxal nêkera înan pêvînayîş qebul kerdo û vat: ''Eke Moskova bira îşxalî daya û bi remamî dîplomasî wedarnaya hînî yew manaya pêvînayîşî çin a. Hetê prensîbî ra hukmatê Amerîka pêvînayîşanê dîplomatîkan rê amade yo. Labelê ganî Moskova bimojna ke cidî ya. 24 saetanê peyênan zî eqsê ney mojna.''