WHOyî da zanayene ke serra 2018î de nêzdîyê 10 mîlyon merdimî surincan ra nêweş kewtî. Pêro dinya de zî 140 hezar merdimî nêweşîya surincan ra merdî ke zafê înan doman bîyî.

WHOyî vat nê kesanê ke wefat kerd ra zafêrî domanê ke 5 serre ra qijêr bîyî ke ci rê derzîna surincan nêameye kerdene. WHOyî na rewşe sey ''binkewtişêkê kolektîfî'' pênas kerd.

Mudirê Pêroyî yê WHOyî Tedros Adhanom Ghebreysusî vat: "Seba ke domanan rê derzînî  nêameyî pirodayene, merdî û na rewşêka skandal a. Seba pawitişê domanan zî binkewtişêko kolektîf ê dinya yo.

Goreyê Rêxistina Weşîye ya Dinya rewşa serra 2019î hîna giranêr a. Goreyê doneyanê menga kanûne nêweşîya surincan gorê parî hîrê qat zêde bîye.

Nêweşîya surincan a ke asta berze de mabênê merdiman de vila bena, eşkena biba semedê komplîkasyonanê kiştoxan. Seba ke domanî nê vîrusî ra bêrê pawitene ganî di rey derzînî bêrê pirodayene.

Goreyê keyeyanê ke vera derzînpirodayîşî yê derzîna surincan bena semedê otîzmî yan zî nêweşîyanê cîyayan. Labelê zanyarî nê îdiayan red kenê.