Şerê Yemenî Adara 2015î de rayberîya Erebîstanê Suûdîyî de bi mudaxeleyê Koalîsyonê Ereban kewt merheleyêkê neweyî.

Hetekê şerî de bi paştîdayîşê Rîyadî hêzê hukmatî, heto bîn de zî bi paştîdayîşê Îranî mîlîsê Hûsîyî estî. Bi mîlyonan kesî ke mabênê têkilîya menfaatî ya hêzanê hereme û mîyanneteweyîye de mendî veşanîye ancenî. Goreyê rêxistinanê merdimîye 18 mîlyon kesî vêşan î.

New York Timesî seba ke bale bianco na vêşanîye ser 27ê Teşrîna verêne de mexdûranê vêşanîye ra fotografê kêneka 7 serrî Amele kerdbi manşetê xo, la nê manşetî ra dima kêneka Yemenije vêşanîye ra cuya xo vîndî kerdebî.

Ame vatene ke krîzê merdimîye û weyîbîyayîşî yo tewr gird Yemen de yeno ciwîyayene.

Goreyê zanayîşan Yemen de 18 mîlyon kesî nêzanê ke werê înan do ça ra bêro.

Rêxistinê pawitişê heqanê domanan Save the Childrenî da zanayene ke 5 mîlyonan ra zafêr domanî binê tehdîdê vêşanîye de yê.

Netîceyê dîplomasîya mîyanneteweyîye de 12 rojanê pêkewtiş û bombardûman ra dima roja sêşemeyî ra nata sukunet esto. Rêxistinê sivîlî yê komelî seba hetkarîya merdimî bireso ca wazenê ke adirbest dewam bikero.