Yewîya Ewropa (YE) û Herêma Ewropa de menga sibate de rêjê bêkarîye goreyê 12 serranê peyênan asta tewr nizme de bîye. Labelê vîrusê Korona yo ke beno semedê krîzê ekonomîkî peynîya na rewşe arde.
Goreyê doneyanê peyênan ê sezgehê îstatîstîkan ê YA Eurostatî pêro YE de menga sibate de rêjê bêkarîye bi 6.5. Pêro Yewîya Ewropa de hûmara bêkaran menga çeleyî de bi hezaran kesî kêmîyaye û bîye 13 mîlyon û 984 kesî.
20 welatanê Yewîya Ewropa de ke pereyê ci Euro yo (Herêma Euro) hûmara bêkaran bi 88 hezar kesan kêmîyaye û bîye 12 mîlyon û 47 hezar kerdî.
Hetê rêjî ra bêkarîye menga çeleyî de se ra 7.4, menga sibate de se ra 7.3 bîye. Goreyê doneyanê Eurostatî adara 2008î ra nata rêjo tewr nizm ê bêkarîye no bi.
Labelê hem Herêma Euro hem zî pêro Yewîya Ewropa de rêjê bêkarîye newe ra zêdîyeno. Tedbîranê karantînaya Covid-19î ra bi desan karkerî do hetkarîya bêkarîye ra bi hawayêkê demkîyî fayde bivînê. Têna Fransa de sektorê taybetî de 6 mîlyon karkerî do na hetkarîya bêkarîya demkîye ra fayde bivînê.
Almanya de ke ekonomîyanê tewr pîlan ê Yewîya Ewropa ra yew a, nêm mîlyon şîrketan seba 2 mîlyon karkeran muracatê hetkarîya bêkarîye kerd. Seba şîrketanê ke muracatê hetkarîye kerd, şert o ke karkeran karî ra nêvejê.
Krîzê tesîrê Covid-19î ra ekonomî heta peynîya serre bi rêjê se ra 3 do bibo qijêr. Yeno texmînkerdene ke no zî eşkeno bibo semedo ke hetkarîya dewlete ya demkîye do dewam nêkera.
