Goreyê çimeyanê polîsan wesayîtêk ke  macîrî kiriştêne û kamyonyêk ke nêzdîyê bajarê Kavala de bîye vera ginayî yewbînan ro.

Şoforê kamyonî bi weşî xelisya la kamyon temamî veşaye. Wesayîtê bînî ra zî 11 meyîtê veşnayeyî ameyî vetene. Yeno texmînkerdene ke raywanî ke ver bi Selanîkî şîyêne macîr î.

Aşma hezîrane de zî reyna nêzdîyê Kavala de qezaya tirafîkî de zêdê ci hemwelatijê Sûrîya û Îranî, 3ê ci domanî 6 kesan cuya xo vîn kerdbî.

Goreyê komîserîya Yewîya Miletan (BM)  sereyê serre ra heta nika 12 hezar û 700 ra zafêr macîrî resayî vakurê Yûnanîstanî. Goreyê parî hûmar dilab zêdîyaya.

Na herême de emser tewr tay 40 macîran cuya xo vîn kerdî. Nêmeyê înan çemê Evrosî de bi xeniqyayîşî gan da.