Verê roniştişê dewaya vera Hemserekê MED-DERî yê verênî Rifat Ronîyî verê edlîye de eşkerayîye dîyaye. Eşkerayîye hetê MED DERî û Enstîtuyê Kurdî yê Amedî ra ameye dayene. 

Îdarekarê MED-DERî Eyup Akdenîzî qisey kerd û pare kerd ke hêrişê vera dezgehanê kurdkî hêrişê vera ziwan, edebîyat û kulturê kurdan o. Akdenîzî waşt ke wa Rifat Ronî cade vera bidîyo.

Îdarekarê MED-DERî Mehmet Asanayî metnê eşkerayîye wend û da zanayene ke yeno waştene ke kurdkî bêra krîmînalîzekerdene. Asanayî vat: ''Ziwanê ma nasnameyê ma yo ke nêno muhakemekerdene. Sere de waştişê perwerdeyê bi ziwanê dayîke pêro waştişê ma meşrû yê.''

Hemsereka DBPyî ya Amedî Sultane Yaray zî vat ke hêrişê vera kultur û ziwanê kurdkî tecrîdê Îmraliyî ra cîya nîyê.

Dima girse ver bi edlîye şi.