Şerwananê Yewînanê Pawitişê Cinîye (YPJ) bi wesîleya 8ê Adare Roja Cinîyan ê Kedkaran a Dinya ANFyî reyde qisey kerd. Şerwanan 8ê Adare yê pêro cinîyan fîraz kerd.

Faraşîne Efrîn: Ma her roje xo sey 8ê Adare derbaz kenê. Ma pê bawer e ke têkoşînê ma yo emserên do bikero ke ma ser bikewê.

Denîz Kobanê: Têkoşînê ma seba çinkerdişê zulmê vera cinan o. Cinîyan destkewteyêxo girewtî. No bi têkoşînê ma bi. Senî ke YPJ çimeyê awanbîyayîşê xo têkoşînê cinîyan ra girewt, têkoşînê ma zî do bibo azadîya pêro dinya.

Roza Kobanê: Têkoşînê cinîyan ê dinya û xoverdayîşê cinîyan ê kurdan çimeyê awanbîyayîşê YPJyî yo. Ma do bi ruhê nê têkoşînê pîlî vera her tewir îqtîdarî rêxistinbîyayîşê xo pîl bikerê û xoverdayîşê xo biresnê serkewtiş.

Tolhildan Agirî: Ma senî têkoşîn bikerê ma do o qayde roja 8ê Adare manadar kenê. Na serre sloganê ma 'Têkoşînê ma Azadî yo, Xoverdayîşê Ma Serkewtiş o.' Ma hêvîdar ê ke pêro cinîyê dinya na serre 8ê Adare de bi paştdayîşê têkoşînî û berzkerdişê xoverdayîşî fîraz bikerê.

Evîndare Şervan: Na roje seba ma rojêka manadar a ke na roje pêro cinîyî kom benê û bingeyê têkoşînî de pîya fîraz kenê. Cinîyan têkoşînê xo de vera pederşahîye sere wedarit û vat ma zî wayîrê estbîyayîşî û nasnameyî yê. Ma do emser 8ê Adare zî bi sloganê 'Têkoşînê ma Azadî yo, Xoverdayîşê ma Serkewtiş o' fîraz bikerê

Rûkene Rojhilat: Ma bi ruhê xoverdayîşê cinîyan serrêke verê cû menga adare de cergê DAÎŞî bin kerdî. Ma vi serkewtişêko pîl 8ê Adare ra vat ma bi xêr dî. Têkoşînê ma yê cinîyan eşkeno bi xoverdayîşî bibo rayber. Ma no îsbat kerd. No mîrasê têkoşînî seba ma çimeyê hêvî û bawerî yo.