Yewîya Cinîyan ê Sosyalîstan a Ewropa (SKB) bi eşkerayîyêke da zanayene ke ê do vera şîdetê cinîyan heta 25ê teşrîna peyêne her çarşeme çalakîyan bikerê.

Seba çalakîyan pankartê almankî, fralankî û franskî yê bi nuşteyê 'Wa peynîya şîdetê vera cinîyan bêra ardene, Peymana Îstanbulî wa bêra caardene.' ameyî amadekerdene.

Cinîyan Koln de afîşî daliqnayî, vilawekî vila kerdî û seba qedînayîşê şîdetê vera cinîyan veng da. Şaristanê Nurnberg û Stuttgartî yê Almanya de zî cinîyan noqtayanê cîyayan de çalakîyî kerdî.  Çalakîya Duisburgî zî bi vengdayîşê SBK û Rêxistina Cinîyan ê Ciwanan a Zora ameye kerdene. Cinîyanê SKByî Mannheim de afîşî daliqnayî.

Şaristanê Baselî yê Swîsre de SKByî û cinîyan ê ciwanan ê Zora seba 25ê Teşrîna Peyêne veng da, afîşî daliqnayî û vilawekî vila kerdî.

Cinîyanê SKByî şaristanê Amsterdamî yê Hollanda de û şaristananê Anvers û Brukselî yê Belçîka de zî çalakîyî kerdî.

Cinîyan Paris de zî garanê Creil, Bobigny, Pierffitte û  derdora Sta,ns, Marne Vale de afîşî daliqnayî.