Endama Konseya KBDHyî û Fermandara Qrargehê Merkezî yê YJA-Starî Zozane Çewlik têkoşînê azadîye yê cinîyan û Hemleya 'Faşîzm Birijnê û Azadîye Bivisnê Destî' ya KBDHyî ercnayî.

Qiseykerdişê Çewlike ra beşêk wina yo

''Seserra 21. do biba seserra cinîyan. Ma metod û alternatîfanê azadîya cinîyan ê vera metodanê dewlete nîqaş kenê. Prosesê karantîna û janî de zî şîdetê keyeyê zereyî zêdîyayî. Xora şîdet janî ra ver zî tim estbi. Bi taybetî dewlete pêro beşê komelî hêriş û şîdetê cinîyan kenê. Sîstemê xopawitişî yê cinîyan o ke azadîya cinîyan esas gênakokê xo prensîbanê cuya ekolojîk û demokratîke ra gêno, cinîyî her roje xo zêdêr rêxistin kenê.

Peymana Îstanbulî şîdet her warê cuye û komelî de qedexe kena. Meseleyê cinîyan meseleyê dinya û komelî yê. Xoverdayîş û têkoşînê seba xopawitişî heqo meşrû yo. Îqtîdarê AKP-MHPyî şar û cinîyan qir keno. Çalakîyê peyênî yê KBDH û HBDHyî zor danê îqtîdarî. Vera şîdetî wezîfeyêko pîl keweno milê Têgêrayîşê Şorişgêrî yê Yewbîyayeyî yê Cinîyan. 

Ma sey KBDHyî seba azadî, pawitiş, rêxistinbîyayîş û asayîşê cinîyan tim do meydanan de bibê. Sere de metropolanê Tirkîya de û koyanê Kurdîstanî de ma her ca de taktîk metodanê çalakîyan hîra bikerê û çarçewa hemleya xo de azadîye bivisnê destî. Kuçeyan de roje roja çalakîyan a. Nê prosesî de HBDH û KBDHyî hamleya xo îlan kerde.  Roje roja rijnayîşê îqtîdarê AKP-MHPyî ya, roje roja rijnayîşê sîstem û hîşmendîya tacîz û tecawuzan a. Roje roja destvistişê azadîya xo ya. Seba naye ganî sere de cinî û ciwanî pêro merdimî kuçeyan de çalakîyan bikerê. Roje roja cuyêka azad û têdûşt a.''