Heyetê Îdareyê Xoserî yê Rojawanî seba caardişê peymana ke 10ê adare de mabênê QSD û îqtîdarê Şamî de amebî îmzakerdene Şam de selahîyetdaranê rejîmî de pêvînayîş kerd. Goreyê eşkerayîya hemserekanê heyetî kombîyayîş de planê xebata hempare û muzakereyê caardişê mekanîzmayan ameyî kerdene.

12ê nîsane de wextê prosesê muzakereyan de heyetê Rojawanî amebi awankerdene. Heyet de nê nameyî cagênê:

* Foza Yûsif – Endama Konseya Serekîya PYDyî

* Ebid Hamid El Mihbaş – Hemserekê Partîya Ameyoxê Sûrîye

* Senherîb Bersûm – Hemserekê Partîya Yewîya Sûryanîyan

* Ehmed Yûsif – Hemserekê Konseya Malîye 

* Sozdare Hecî – Endama Fermandarîya Pêroyî ya YPJyî

* Meryeme Îbrahîm – Hemsereka Konseya Xebatanê Komelkîyan

* Yasir Silêman – Hemserekê Meclîsê Demokratîkî yê Şaran

Heyetê Şamî de nê nameyî cagênê:

* Muhammed Kanatri – Hetkarê Serekê Ofîsê Wezîrîya Karanê Teberî ya Amerîka

* Abdulgani Muhammed – Mudirê Asayîşê Zereyî yê Walîtîya Helebî

* Mesud Battal – Serekê Dosyaya Efrînî

* Fewaz El Ayiş – Hetkarê Wezîrê Karanê Zereyî

Pêvînayîş mîyanê atmosferêkê pozîtîfî de qedîya. Pêvînayîş de ame parekerdene ke ganî peymana 10ê adare bi lezî bêra caardene û seba ney komîteyî wa bêrê awankerdene.