Komîsyonê Cinî yê ÎHDyî yê Şaxê Amedî seba Sîsê Bîngole û tepişteyanê ke nêweşîyê înan giran ê banê xo de kombîyayîşêk viraşt. Kombîyayîş de ame vatene ke gîrîyayîşê nêweşan zîndanan de yeno manaya îxlalkerdişê qedexeyê îşkence û kerdenanê xiraban.
'WEŞÎYA HEWNA ZÎ TEHLUKE DE YA!'
Eşkerayîya ke hetê endama Komîsyonê Cinî yê ÎHDyî yê Amedî Ezgî Sila Demîre ra amî wendene de ame vatene ke: “Sîsê Bîngole dir nêweşîyê sey zerra sipî, zerrî, mesane, astim û tansîyone xeylî nêweşîyî estê. Nê nêweşîyan ra qismêkê înan bi raporanê weşîye zî ameyê îspatkerdene. La rixmê nînan de zî muracatê aye yê tedawîye ameyê redkerdene, gama ke waştişê ci yê tedawî ame qebûlkerdene zî şertanê zaf xiraban de sewqê nêweşxaneyî amî kerdene. Halê ci yê weşîye hewna zî cidî yo.”
'ÎŞKENCE Û KERDENÊ XIRABÎ'
Eşkerayîye de ame vatene ke tepişteyanê nêweşan zîndanan de girewtiş û tedawî nêkerdişê înan hemverê krîteranê huqûqê unîversalî de yê. Eşkerayîye de vajîya: “Sîsê Bîngole ke problemê aye yê weşîya ci xeylî giran ê û hewna zî gîrîyayîşê ci yê Sazîya Înfazê Ceza ya Tarsûsî ya Tîpê Tyî de ke bi îxlalkerdişê heqan name daya yena tepiştene îkenceyêk o û kerdenêko xirab o.”
GUREYÊ DEWLETE DÎYAYÎ BI VÎR ARDENE
ÎHDyî mîyanê waştişanê xo de ard ziwan ke ganî dewlete hemverê tepişteyan de çarçiwaya huqûqî de tê bigeyro û rîayetê heqanê merdiman bikero. Heman wext de vajîya ke ganî peynî ro şidet û îşkence bêro ardene.
