Bi wesîleya 8ê Adare cinîyî Beşîktaşê Îstanbulî de ameyî têhet. Cinîyanê ke TJA, HDP û HDKyijan reyna ramojna ke ê do destûr zîhnîyetê faştîstî nêdê.

7 ra heta 70 cinîyanê ke bi tîlîlîyan govend gitewt pêro pîya yew fekî ra siloganê ''cinî cuye azadî'' û ''ma hiş nêkenê, nêtersenê îtaat nêkene'' eştî. Sebahat Tuncel zî bi nameyê cinîyanê tepişteyanê sîyasîyanê ke Zîndanê Kandira de yê mektubêk şawit. Tuncele roja cinîyan fîraz kerd û vat:  ''Ma vanê hînî bes o. Ma semedê cuya azade têkoşîn kenê. Ma zere de şima teber de do bi girdkerdişê têkoşînî ser bikewê.'' Wendişê mesajî ra dima cinîyan yew fekî ra xoverdayîşê zîndanan silam kerd. Wekîla HDPyî ya Îstanbulî Zuleyha Gulum zî bale ante polîtîkaya qeser ya vera cinîyan ser û vat: ''Îqtîdar wazeno ke destkewteyanê ma peyser bigêro la ma xeta azadîye  do çirey canêverdê. Ma qerardarê ke îqtîdarê camêrdî birijnê.'' Badê qiseykerdişan cinîyan govend girewt û semedê rojanê azadan balonê mor û sipî firnayî.