Şaredarîya Yenîşehîrî şaranê taxan de yena têhet û bitaybetî çarçeweya waştişê cinîyan de xebatanê xo ana ca. Hemsereka Şaredarî ya Yenîşehîrî Belgîn Laçîn Dîkene da zanayene ke cinîyan merkezê cuye yê cinîye waşt û înan zî dest pê xebate kerd.
Şaredarîya Yenîşehîrî taxe bi taxe gêrena û gêncan, cinîyan reyde kom bena û waştişê înan goştarî kena. Nê rojanê peyênan de Hemsereka Şaredarî ya Yenîşehîrî Belgîn Laçîn Dîkene taxa Hewselî yê pabesteyê Şehîtlîkî de cinîyan reyde ameye têhet. Dîkene uca de îfade kerd ke Keyeyê Serweşîye yê Îyaz Bîn Xanemo ke cuya ver meclîsê taxe bi la hetê qeyûmî ra ame vurnayene, do bibo merkezê cuye yê cinîye.
Dîkene vist vîrî ke qeyûmî dezgehê cinîyan, komeleyî û xebatê seba doman û gêncan wedaritî û vat: "Ma weçînayîş de bi îradeyê şarî şaredarîye apey girewte. Dima ma çarçeweya waştişan ê şarî de kombîyayîşî viraştî. Bitaybetî cinîyî vanê ke waştişê înan nêameyî caardene. Ma dest pê xebatanê seba cinîyan û domanan kerd."
